Домашна

Триесетте продолженија на популарниот детски серијал „Дајте музика“, како и минатата сезона, изобилуваа со забава, дружење, перипетии, детски интриги, радости, разочарувања и разни негодувања.

Според  јасно утврдените правила од страна на ЕБУ кои ги обврзуваат националните радиодифузери да селектираат нова песна за Евровизија 2021, а самите да донесат одлука дали минатогодишниот претставник ќе остане истиот и годинава, Македонската Радио Телевизија одлучи задачата да ја претстави Македонија на Евровизија 2021, да остане во рацете на Васил Гарванлиев.

Ди џеј Магија е проект настанат во март годинава за време на првиот полициски час. Членуваат Андреја Салпе и Теа Шалдева, инаку артисти со долгогодишен стаж во македонската алтернативна музичка сцена. На изданието се поместени две композиции, '2020' и 'Sвезда'. Насловната '2020' говори за слатката закоченост на оваа предизвикувачка година, а спотот се користи со снимки од познати ликови од повеќе области на културата самонаправени во карантин. Изданието е под капата на ПМГ рикордингс, а омотот го дизајнираше уметницата Катарина Мрчела.

Уторово по долга борба со коронавирусот во Белград почина Миша Алексиќ, бас-гитаристот на „Рибља чорба“, еден од најголемите рок-бендови на просторите на поранешна Југославија и Балканот. 

Флека ТВ објави спот за подигнување на свеста за рециклирањето.

Карантинот не ги спречи Суперхикс, туку напротив, ги мотивираше за нивната нова песна „СКАрантин“ во домашни услови. Бунтовна, игрива и ексцентрична, „СКАрантин“ е песна во која ќе се пронајде секој екстроверт, но и интроверт.