Заврши средбата на Вучиќ и Курти во Брисел, напредок нема (ВИДЕО)

Заврши средбата на српскиот претседател Александар Вучиќ и премиерот на Косово Аљбин Курти во Брисел, а српската страна јави дека Курти одбил сè што било понудено.

Скриншот Инстаграм

Директорот на Канцеларијата за Косово и Метохија на српската влада Петар Петковиќ кажа од Брисел дека делегацијата на Србија се бори за мир и дека српскиот претседател утре ќе ѝ се обрати на јавноста, по враќањето во Белград.

Тој истакна дека денес никој од српската делегација нема да се обраќа, како и дека Вучиќ останува во Брисел уште некое време.

Српските медиуми јавуваат дека во разговорите нема напредок по ниедно прашање, бидејќи косовскиот премиер одбил секаков компромис.

Во Брисел заврши втората рунда од трилатералните разговори на претставниците на Европската Унија со српскиот претседател Вучиќ и косовскиот премиер Курти.

Претходно, одвоено, во два наврати, шефот на дипломатијата на ЕУ Жосеп Борел и специјалниот претставник на Унијата за дијалогот Мирослав Лајчак разговараа со Курти и Вучиќ.

Медиумите јавуваат дека во зградата на Европската служба за надворешни работи во Брисел бил и специјалниот претставник на САД за Западниот Балкан Габриел Ескобар.

„Почеток на разговорите за суштинските проблеми на Косово и Метохија. Се надевам на какво-такво решение, иако во тоа воопшто не верувам“, напиша претходно Вучиќ на Инстаграм.

Легенда под Главна слика

Скриншот Инстаграм

Сведоци сме деновиве на сензационална приказна за некаков американски тим кој, внимавајте, агресивно ќе ловел корупција во Македонија.

повеќе

Најавите на американската администрација за бескомпромисна  борба против овие корумпирани,  неспособни  и криминални структури на сите нивоа на државата за македонските граѓани се единствено светло во тунелот.

повеќе

Концептот на даночната реформа, кој го претставивме минатата недела на заедничка прес конференција со премиерот е дел од поголем процес за креирање на оптимален даночен систем кој ќе биде праведен и ќе го поддржи економскиот раст.

повеќе