„Ситуацијата е тешка и на раб на конфликт“

Вучиќ до Србите на Косово: Молба да го зачуваме мирот; Столтенберг: НАТО останува претпазлив

Претседателот на Србија Александар Вучиќ најави дека вечерва ќе се сретне со Србите од Косово и дека неговата молба ќе биде многу јасна – заедно да се обидат да го зачуваат мирот.

EPA-EFE

Тој пренесе и дека „сè што постои од специјална полиција во Приштина е испратено на четири дестинации – од патот Србица-Зубин Поток до Чечево, Јасеновик“.

„Ситуацијата е тешка и на раб на конфликт“, оцени српскиот претседател.

Вучиќ претходно денес по разговорот во Брисел со косовскиот премиер Аљбин Курти изјави дека од нему нејасни причини не успеале да постигнат апсолутно никаков договор за регистарските таблички.

На Србите на Косово им порача ако организираат протести, тие да бидат мирни, ненасилни, да не бидат Србите виновни.

За изјавата на шефот на дипломатијата на ЕУ Жосеп Борел дека косовскиот премиер Курти е виновен што не дошло до договор, Вучиќ кажа дека таа изјава е фер.

На прашањето дали тоа го смета за своја победа, одговори дека не го доживува така и дека „победа е кога се отвораат фабрики и кога трајно ќе го решите проблемот за својот народ, а не кога оставате замрзнати конфликти“.

„Нашиот проблем е што Србите добро знаат дека не е нивна обврска да плаќаат арач кој не е пропишан со ниеден закон, огромен е гневот кај српското население на северот на Косово“, кажа Вучиќ и истакна дека Србија ќе го почитува барањето на Борел и нема да издава ниту да обновува таблички.

Генералниот секретар на НАТО, пак, Јенс Столтенберг изјави дека разговарал со Борел и дека се разочарани што не е решен проблемот со табличките.

Столтенберг на Твитер наведе дека сега мора да се избегне ескалација.

„Сега е време за одговорност и прагматични решенија. Ескалација мора да се избегне – НАТО и КФОР остануваат претпазливи“, наведе Столтенберг.

Легенда под Главна слика

EPA-EFE

Калоѓера не може да премолчи, не може да замиже пред историската вистина на Македонија, па затоа во својот живот се определил да македонствува.

повеќе

Слушањето како способност да го фокусираме вниманието на аудитивните дразби е важен аспект на нашиот живот и значително влијае на неговиот квалитет во сите сегменти.

повеќе

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе