Врховен суд: Индија мора да плати 672 долари надоместок за секој починат од ковид

Врховниот суд на Индија им нареди на државните власти да платат 672 американски долари како надоместок за секоја смрт од ковид-19, како начин да им се помогне на семејствата да се справат со загубата, според одредба што Ројтерс ја имал на увид во вторникот.

Фото: ЕПА

Индија пријави вкупно 449.260 смртни случаи, иако експертите велат дека бројката е многу потценета бидејќи многумина починале во оддалечената внатрешност на земјата. Експертите велат дека во големите градови како Њу Делхи, голем број не ги пријавиле починатите бидејќи во болниците снемало слободни кревети и залихи со кислород.

Подносителите на барањата поднеле жалба до Врховниот суд за националната управа за катастрофи, преку која владата обезбедува финансиска помош во природни катастрофи, како што се земјотреси, да обезбеди најмалку осум пати поголем надомест.

Во соопштението, владата се согласува од државниот фонд за катастрофи да плати минимален износ што ќе биде распределен од локалните власти.

„Сите надлежни кои се засегнати ќе дејствуваат за да помогнат во бришење на солзите на оние што страдаат од загубата на член на семејството поради ковид-19“, се вели во одлуката на Врховниот суд.

Не е познато колку држави понудиле надомест за смртта на лице кое починало од ковид-19.

Во Тајланд, човек поднел тужба против владината работна група за борба против ковид-19 и против премиерот и други владини претставници, барајќи надоместок од 134.000 долари за занемарување на должноста што била причина за смртта на неговиот брат.

Индискиот Врховен суд им нареди на државните административни органи да ги скратат бирократските постапки и да ги решат сите побарувања во рок од 30 дена по поднесувањето.

Здравствениот систем во земјата попушти под товарот на огромното зголемување на бројот на заразени во април и мај, во голема мера предизвикано од позаразната и опасна делта варијанта на вирусот, поради која, според официјалните бројки само во мај починале најмалку 170.000 луѓе.

Оттогаш, бројот на починати остро опадна, а од август, бројот на заразени се намали на околу 34,000.

Индија пријави вкупно 33,85 милиони заразени и по САД, таа е втората земја по бројот на заразени во светот.

Легенда под Главна слика

Фото: ЕПА

Земјите треба да бараат начини за градење мостови и унапредување на билатералните економски врски, а не да гледаат во минатото и да му наметнуваат на македонскиот народ поинаков идентитет или историски наратив.

повеќе

Tочната искористеност и капацитет на водните ресурси во државата e невозможно прецизно да се пресмета заради недостиг на континуирани хидролошки мерења и мониторинг на квалитетот на водите.

повеќе

Нам бизнисмените не ни требаат ниту уставни преамбули ниту некакви параграфи за да ги почитуваме Република Бугарија и нејзините граѓани. Ние некого почитуваме доколку прави профит, плаќа даноци и доколку е општествено одговорен.

повеќе