Во Србија повторно виден пантерот: „Се работи за опасно и непредвидливо животно“ (ВИДЕО)

Црниот пантер, кој неодамна беше виден во близина на градот Апатин во Војводина, на границата со Хрватска, денеска повторно беше забележан во непосредна близина на Бања Јунаковиќ, на 12 километри од селото Сонте, каде што беше забележан за прв пат, се вели во соопштението од општина Апатин, кое го пренесоа локалните медиуми.

Илустрација: Пиксабеј

Општина Апатин ги предупреди граѓаните да не одат во тој правец до дополнително известување, како и во правец на шумата Пригрева. Велат се работи за многу опасно и непредвидливо диво животно.

„Во фаќањето и лоцирањето на црниот пантер во моментов се вклучени сите надлежни служби, како и стручната служба од Зоолошката градина Палиќ“, се вели во соопштението.