Во Минхен експлодира бомба од Втората светска војна, три лица се повредени

Во поширокиот центар на Минхен околу 13 часот дошло до експлозија.

Илустрација: ЕПА

Експлозијата се случила недалеку од мостот Донерсбергербрике во близина на главната железничка станица.

Експлодирала авионска бомба од Втората светска војна.

Повредени се три лица.

Мостот Донерсбергербрике се наоѓа недалеку од главната железничка станица во центарот на Минхен.

„Во моментов нема докази за криминални активности. Според првичните информации три лица се повредени, опасната област е претежно оградена, а железничкиот сообраќај е блокиран на главната траса“, изјави портпаролот на градската полиција Питер Вертман.

„Нема опасност надвор од непосредната област“, соопшти полицијата.

Едно лице е тешко повредено, соопшти градската противпожарна служба.

Полицијата соопшти дека стара авионска бомба експлодирала во близина на мостот Донерсбергербрике во Минхен.

Дојче бан објави дека железничкиот сообраќај до и од главната железничка станица во Минхен е прекинат.

Секоја година во Германија се откриваат повеќе од 2.000 тони активни бомби и муниција, а од крајот на Втората светска војна поминаа повеќе од 70 години.

Британски и американски воени авиони ја преплавија земјата со 1,5 милиони тони бомби кои убија 600.000 луѓе. Официјални лица проценуваат дека 15 отсто од бомбите не експлодирале, а некои се закопани на длабочина од шест метри.

Легенда под Главна слика

Илустрација: ЕПА

Јазикот е многу повеќе од структура на една реченица или граматика, јазикот е нашата историја, нашите обичаи и нашето наследство...

повеќе

Овој отпад, освен тоа што ја загадува животната средина, исто така предизвикува дефекти во машините, ги оштетува контејнерите и го спречува транспортот на друг отпад.

повеќе

Нема простор за двоумење и губење време, затоа Македонија и Бугарија треба да соработуваат што е можно поскоро за да најдат јасен јазик за разбирање, во процес кој би бил следен од ЕУ, Вашингтон и ОН.

повеќе