Во Истанбул наврна толку многу снег што низ градот може да се помине само на скии (ФОТО+ВИДЕО)

Истанбул е на удар на силна снежна бура која го блокираше аеродромот, еден од најпрометните во светот, додека во самиот град настана колапс поради големото количество снег на улиците. Десетици луѓе останале заробени во своите автомобили на температури под нулата.

EPA-EFE

Во некои делови на Истанбул паднале повеќе од 80 сантиметри снег, поради што од синоќа спасувачките и градските служби се на улиците.

На социјалните мрежи се објавени бројни снимки од завеаниот град и колапсот. На една од нив се гледа момче како со скии се движи низ завеана улица.

Летовите од аеродромот во Истанбул втор ден по ред се сопрени, а на приватните возила им е забрането излегување на градските улици.

Снимките од аеродромот, кој е меѓу најголемите во светот, покажуваат писти покриени со дебела снежна покривка со едвај видливи авиони и возила.

Аеродромот Истанбул на интернет објави дека летовите се сопрени до денес до 13:00 часот по локално време поради неповолни временски услови, а авиокомпанијата Туркиш ерлајнс соопшти вчера дека ги откажува сите летови од аеродромот.

Далеку на југот на Турција, снег падна на плажите на Анталија и тоа за првпат по 29 години.

Градоначалникот на Истанбул Екрем Имамоглу изјави дека 55.000 тони сол се фрлени на патиштата и ги повика граѓаните да го исчистат снегот пред куќите и продавниците за да им помогнат на тимовите за итна помош.

Низ цела Турција околу 4.600 луѓе биле заробени на патиштата, а повеќе илјади луѓе се сместени во привремени сместувања, соопшти националната управа за катастрофи и вонредни ситуации.

Легенда под Главна слика

EPA-EFE

За пишувањата на Хари Костов за проблемите на државата – ако компетентен човек зборува за нефункционирањето на правната држава, кое има директен одраз врз економијата, не може тоа да се заврши со охридскиот уличен жаргон.

повеќе

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе