Украина го направи најголемиот пробив на југот од почетокот на војната, брзо напредуваат и на исток

Украина го направи најголемиот пробив на југот на земјата од почетокот на војната и ја скрши руската одбрана. Украинските трупи успеаја да вратат неколку села долж реката Днепар, изјави лидерот назначен од Русија во областа.

Фото: ЕПА

Градот Дудчани, кој се наоѓа на околу 30 километри јужно од местото каде што беше фронтот, повторно е под контрола на Украина. Ова укажува на најбрзиот напредок на украинските сили на југ досега.

Вкупно 31 руски тенк се уништени при движењето на украинските сили кон југ, заедно со еден повеќекратен ракетен фрлач. Украинската офанзива се прошири и забрза на исток од земјата, заземајќи повеќе територии во областа што минатата недела беше анектирана од Русија, пренесува Скај њуз. Загрозени се и рутите за снабдување на руските сили.

Претседателот Зеленски рече дека украинската армија ги освоила задните градови во голем број области, но не даде дополнителни детали. Веста доаѓа откако тој потврди дека источниот град Лиман, во Доњецк, е „целосно исчистен“ од руските сили. Украинските сили го вратија градот во саботата, откако Кремљ објави дека руските трупи се повлечени бидејќи биле опколени. Повторното заземање на градот, кој беше под руска контрола од мај, означи уште една победа за Украина во нејзината контраофанзива.

Украинскиот претседател Володимир Зеленски во вечерното обраќање рече дека вооружените сили успешно ја продолжуваат контраофанзивата. Не ги спомна имињата на ослободените села.

„Продолжуваат жестоки борби во многу области на фронтот“, рече Зеленски. „Сѐ повеќе Руси се обидуваат да побегнат, војската на напаѓачите трпи се повеќе загуби. Тој додаде дека постои „сè поголемо разбирање (во Русија) дека Русија погрешила со тоа што започнала војна против Украина“.

Легенда под Главна слика

Фото: ЕПА

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе

Трагично е што воопшто треба да се бориме за зачувување на институција која отсекогаш била стожер на културниот живот во Македонија.

повеќе

Македонија нема рециклирачки капацитет за пластичната амбалажа, а со увозот на ѓубре како гориво во индустријата, станува и неофицијална депонија на ЕУ.

повеќе