Најригорозни мерки досега

Турција воведува полициски час во работните денови, целосен карантин за викендите

Турција воведува полициски час во работните денови и целосно затворање на земјата за време на викендот за да го заузда ширењето на коронавирусот, изјави денес турскиот претседател Реџеп Таип Ердоган, откако во последните недели се бележат рекордни бројки на новозаразени и умрени.

EPA-EFE

Во работните денови на жителите ќе им биде забрането излегување од дома меѓу девет часот навечер и пет часот наутро, а за време на викендот од девет часот навечер во петок до пет часот наутро во понеделник, кажа Ердоган.

Мерките стапуваат во сила утре. Од нив се изземени секторите на производство и снабдување.

Во Турција веќе осум дена се бележи рекорден број на умрени, со 188 смртни случаи во последните 24 часа, соопшти турското министерство за здравство.

Во последните 24 часа е забележан и рекорден број на новозаразени, дури 31.219, вклучувајќи ги асимптоматските случаи.

Од почетокот на пандемијата во март во Турција од компликации со ковид-19 умреа 13.746 луѓе.

Легенда под Главна слика

EPA-EFE

Попис на населението во 2020 треба да има, затоа што тоа утре може да биде услов за Македонија да чекори напред кон ЕУ.

повеќе

Северна Македонија, исто така, мора да се придвижи кон енергетска независност, користејќи обновливи извори на енергија кои нема да му наштетат на кревкиот екосистем во оваа прекрасна земја.

повеќе

Турската влада има нови барања од социјалните медиуми и дигиталните платформи како што се Фејсбук (Facebook), Ватсап (Whatsapp), Инстаграм (Instagram) и Твитер (Twitter). 

повеќе