Талибанците повикуваат на меѓународна помош по разорниот земјотрес

Талибанците во Авганистан апелираа за меѓународна поддршка, бидејќи земјата се соочува со последиците од разорниот земјотрес со јачина од 6,1 степени според Рихтер.

Фото: ЕПА

Повеќе од 1.000 луѓе загинаа, а најмалку 1.500 беа повредени.

Југоисточната провинција Пактика е најтешко погодена, а ОН работат на обезбедување итни засолништа и помош во храна.

Активностите за спасување се отежнати поради обилните врнежи од дожд и недостигот од средства.

Најсмртоносниот земјотрес што ја погоди земјата во последните две децении е голем предизвик за талибанците, исламистичко движење што си ја врати власта минатата година по падот на владата поддржана од Западот.

Епицентарот на земјотресот бил на околу 44 километри од градот Коста, а земјотресите биле почувствувани дури и во Пакистан и Индија.

Авганистан е во екот на хуманитарна и економска криза, а високиот талибански функционер Абдул Кахар Балхи рече дека владата „не може финансиски да им помогне на луѓето до степенот до кој е потребно“.

Хуманитарните агенции, соседните земји и светските сили даваат помош, рече тој и додаде: „Помошта треба да се зголеми во голема мера бидејќи ова е разорен земјотрес што не е доживеан со децении“.

Лидерот на ОН, Антонио Гутереш, рече дека агенцијата е „целосно мобилизирана“ поради катастрофата.

Здравствени тимови, медицински материјали, храна и засолништа за итни случаи се на пат кон зоната на земјотресот, соопштија претставници на ОН.

Легенда под Главна слика

Фото: ЕПА

Концептот е насочен кон креирање на оптимален даночен систем, кој ќе го поддржи економскиот раст, а со тоа и животниот стандард на нашите граѓани.

 

повеќе

Иако е важно да бараме решенија за нашата заедничка историја и да се обидеме да ги разликуваме фактите од пропагандата, зарем не е исто така важно да научиме да живееме заедно и покрај нашите различни и силно политизирани гледишта?

повеќе

Нашето општество е социјално неправедно, а социјалната неправда е, и ќе биде погубна.

повеќе