Тајмс: Недостигот од гориво во Британија ќе трае уште еден месец (ВИДЕО)

Бензинските пумпи во Британија ќе се соочуваат со нарушувања во снабдувањето сигурно уште еден месец, дури и ако луѓето престанат панично да купуваат и покрај привремените знаци дека ситуацијата почнува да се подобрува, пишува денес Тајмс, повикувајќи се на извори од индустријата.

EPA-EFE

Прекините во снабдувањето со гориво ќе продолжат бидејќи треба време за надополнување на резервоарите на бензинските пумпи, а британската нафтена и гасна компанија Бритиш петрол, која прва го нормализираше снабдувањето со нафтени деривати поради недостигот од возачи на камиони, ќе продолжи да има проблеми во следниот месец, пишува Тајмс.

Паниката меѓу Британците почна да се шири на 23 септември, кога БП затвори неколку свои пумпи поради проблемите со снабдувањето со гориво.

Корпорацијата тоа го објасни со недостиг од возачи на камиони, со кои горивото се носи на пумпите. Со тој проблем се соочија и другите компании.

Иако проблем со снабдувањето имаше само на неколку десетици од 1.200 бензински пумпи на БП низ земјата, на британските пумпи се создадоа долги редови.

Британскиот премиер Борис Џонсон најави дека „ситуацијата ан бензинските пумпи се стабилизира“, повикувајќи ги луѓето да се однесуваат нормално, односно да не ги полнат резервоарите со повеќе гориво отколку што навистина им треба.

Недостигот од возачи на тешки товарни возила кој ја предизвика кризата е поврзан со пандемијата на коронавирусот и брегзитот. Во последните две години илјадници професионални возачи од земјите на ЕУ ја напуштија Британија, а школувањето нови го отежна пандемијата, поради која во многу земји долго не се одржуваат возачки испити.

Како што вчера јави Скај њуз, повикувајќи се на извор во министерството за одбрана, британски воени возачи ќе седнат зад воланите на камиони со гориво подоцна неделава за да помогнат во решавањето на кризата.

Легенда под Главна слика

EPA-EFE

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе

Тешко е да се очекува дека ветото ќе биде туку-така тргнато. Дури и кога би се постигнал некаков договор, тоа би значело дека Македонија направила тешки и болни компромиси за да дојде до решение, имајќи ги предвид тврдите позиции на Бугарија.

повеќе

Лошите прогнози за инфлацијата и зголемувањето на цените на сите енергенси, не упатува кон еден заклучок - обновливите извори на енергија, заедно со вложувањето во самоодржливост и економијата на подарувањето сега се позначајни отколку кога и да е претходно.

повеќе