СЗО потврди 131 случај на мајмунски сипаници надвор од Африка, не сите заразени се мажи

Светската здравствена организација (СЗО) соопшти дека е потврден 131 случај на мајмунски сипаници и 106 сомнителни случаи од појавата на првата зараза на 7 мај надвор од делови на Африка каде што мајмунските сипаници вообичаено се шират, но здравствените власти велат дека епидемијата е „под контрола".

Фото: Пиксабеј

И покрај тоа што епидемијата е невообичаена, останува „под контрола“ и ограничена, објави СЗО кој свика дополнителни состаноци за да ги советува државите како да се справат со ситуацијата.

Мајмунски сипаници се обично блага вирусна инфекција која е ендемична во делови од Западна и Централна Африка. Се шири претежно со близок контакт, а до избувнувањето на епидемијата, мајмунските сипаници ретко се појавуваа во други делови на светот. Повеќето од најновите случаи се пријавени во Европа.

„Ве охрабруваме сите вас да ја зголемите контролата над мајмунските сипаници за да видите каде се нивоата на пренос и да разберете каде се движи“, рече Силви Брајанд, директорка на Одделот за глобална подготовка за инфекции на СЗО, пренесе Ројтерс.

Таа рече дека сè уште не е јасно дали случаите се „врвот на ледениот брег“ или врвот на преносот веќе поминал.

Говорејќи на Светското здравствено собрание во Женева, Брајанд го повтори ставот на СЗО дека е малку веројатно вирусот да мутирал, но истакна дека преносот можеби е предизвикан од промената на човековото однесување, особено кога луѓето почнуваат се повеќе да се дружат по укинувањето на ограничувањата против ковид-19 ширум светот.

Многу случаи, но не сите, се забележани кај мажи кои имале сексуални односи со мажи, а Брајанд истакна дека е особено важно да се обиде да се спречи преносот на мајмунските сипаници преку сексуален однос.

Симптомите вклучуваат треска и карактеристичен осип. Западноафриканскиот вид на мајмунски сипаници, идентификуван во сегашната епидемија, има стапка на смртност од приближно еден процент.

Иако рече дека епидемијата „не е нормална“, Брајанд нагласи дека е „под контрола“. Достапни се вакцини и терапии, додаде таа, повикувајќи на соодветни мерки за сузбивање на мајмунските сипаници, повеќе истражувања и глобална соработка.

„Да не правиме од мува слон“, рече таа.

Легенда под Главна слика

Фото: Пиксабеј

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе

Енергетската криза во светот, но и во Република Македонија (РМ), не стивнува иако сме на почеток на летото кога вообичаено има помала потрошувачка на енергија кај нас. 

повеќе

Самостојните уметници не се доволно мотивирани да создаваат. 

повеќе