Турција и понатаму ја блокира кандидатурата

Столтенберг: Шведска е побезбедна од поднесувањето на барањето за прием во НАТО

Шведска е побезбедна денес отколку пред поднесувањето на барањето за прием во НАТО, кажа генералниот секретар на западниот воен пакт Јенс Столтенберг, иако во моментов нејзината кандидатура ја блокира Турција.

EPA-EFE

Столтенберг кажа дека сојузниците во НАТО дале основни гаранции за заштита на Шведска за време на преодниот период додека не стане полноправна членка на Алијансата и може да се повика на членот 5 од договорот за заемна одбрана.

„Од безбедносен аспект Шведска денес е во подобра ситуација отколку пред кандидатурата. Сојузниците од НАТО одговорија, давајќи ѝ безбедносни гаранции на Шведска“, кажа Столтенберг.

Тој кажа и дека е, доколку Шведска биде нападната, незамисливо сојузниците од НАТО да не реагираат, и дека тоа е пораката која воениот пакт јасно му го пренел на секој потенцијален непријател.

Турција ја обвинува Шведска, а донекаде и Финска, дека ѝ пружаат засолниште на Работничката партија на Курдистан (ПКК), група која Анкара и нејзините сојузници ја сметаат за терористичка.

Турција е незадоволна и од ембаргото кое Шведска ѝ го воведе за продажба на оружје од 2019 година поради турската воена инвазија на Сирија.

Секое пристапување во НАТО мора да го одобрат сите 30 земји членки.

Столтенберг претходно кажа дека Шведска и Финска ќе бидат примени во воениот пакт „со широко отворени раце“ и дека се надева дека прашањето на турското противење ќе биде решено пред самитот на НАТО кој почнува на 28 јуни во Мадрид.

Меѓутоа, со изјавата дадена во понеделникот во Финска, тој навести дека спорот може да потрае, кажувајќи дека самитот во Мадрид никогаш не бил даден како некаков рок.

Легенда под Главна слика

EPA-EFE

Војната во Украина ја разоткри вистината за Русија, но и вистината за Европа. 

повеќе

Несанкционирањето на овој говор доведува до повторување, ширење и злоупотреба на овие аномалии како еден вид „нормализиран“ начин во политичката борба против поединци и групи со различни мислења.

повеќе

Потписниците на нотарските изјави дека нема да гласаат за измените на Уставот се подложни на промени за материјално благо.

 

повеќе