Столтенберг: Различните мислења во НАТО не се ништо необично

Не е необично членките на НАТО да имаат различни мислења, кажа генералниот секретар на Северноатлантскиот сојуз Јенс Столтенберг за актуелното одбивање на Турција да го подржи пристапувањето на Финска и Шведска во НАТО.

EPA-EFE

„Во НАТО не е необично да се имаат различни мислења за важните одлуки. Кога постојат различни мислења, имаме многу искуство со тоа, седнуваме и наоѓаме решение“, им кажа Столтенберг на новинарите при посетата на Копенхаген.

„Во тесен контакт сме со Финска, Шведска и Турција. Работиме на причините за загриженост кои ги изрази Турција“, додаде шефот на западниот воен пакт.

Истакна дека верува во „брза одлука“ за примањето на двете земји во НАТО. Шведска и Финска во средата предадоа официјална кандидатура за приклучување во НАТО.

Речиси сите држави членки на воениот пакт позитивно ги дочекаа барањата за членство на Шведска и Финска, но Турција се закани дека ќе стави вето на проширувањето.

Анкара ја обвини Шведска дека е „расадник на терористички организации“ како курдската ПКК, која Анкара ја смета за терористичка група, и им замерува на двете земји дека не дозволуваат екстрадиција на лицата обвинети за тероризам, и за тоа што го прекинале извозот на оружје во Турција.

Легенда под Главна слика

EPA-EFE

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе

Енергетската криза во светот, но и во Република Македонија (РМ), не стивнува иако сме на почеток на летото кога вообичаено има помала потрошувачка на енергија кај нас. 

повеќе

Самостојните уметници не се доволно мотивирани да создаваат. 

повеќе