„Нуклеарна војна не може да се добие и никогаш не треба да се води“

Столтенберг истакна дека Русија мора да сопре со „тропањето со нуклеарните сабји“

Лидерите на НАТО се согласија на распоредување четири нови борбени групи на воениот блок во Источна Европа, односно во Словачка, Унгарија, Бугарија и Романија, изјави генералниот секретар на НАТО Јенс Столтенберг.

EPA-EFE

Наведе дека тоа претставува големо долгорочно зголемување на присуството на воениот сојуз во регионот, двојно зголемувајќи го постоечкиот број на борбени трупи.

Обраќајќи им се на новинарите пред посетата на американскиот претседател Џо Бајден на Брисел, Столтенберг порача дека Русија мора да го сопре „тропањето со нуклеарните сабји“.

Бајден во белгиската престолнина ќе присуствува на состанок со сојузниците во НАТО за да разговараат за одговорот на инвазијата на Русија.

Столтенберг додаде дека има јасна порака за Русија – дека нуклеарна војна не може да се добие и никогаш не треба да се води.

Портпаролот на Кремљ Дмитриј Песков претходно кажа дека Русија би можела да употреби нуклеарно оружје само ако се соочи со „егзистенцијална закана“.

Генералниот секретар на НАТО ја повтори поддршката на Украина и истакна дека членките на НАТО се соочуваат со суштинско променето безбедносно опкружување во кое авторитарните власти се спремни да употребат сила.

„Очекувам дека ќе се позанимаваме со улогата на Кина во оваа криза. Кина на Русија ѝ пружи политичка поддршка, вклучувајќи ширење на очигледните лаги и дезинформации“, оцени Столтенберг.

Легенда под Главна слика

EPA-EFE

Со францускиот предлог на патот кон ЕУ македонскиот народ ќе ја изгуби историската тапија врз сопствената свест и наследство.

повеќе

Ако пак се натури овој бесмислен консензус на Франција, кој ги признава сите емоции на Бугарија, тогаш оваа неспособна власт ќе не одведе подлабоко од сегашниот амбис.

повеќе

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе