Спасувачките служби: Породилиште е погодено во руски напад во Запорожје, загина новороденче

Новороденче е убиено во руски напад врз породилиште во областа Запорожје на југот на Украина, соопштија денеска украинските спасувачки служби.

Фото: ЕПА
Во ракетен напад врз болничкиот сектор синоќа во градот Вилњанск во областа Запорожје уништена е двокатна зграда во која се наоѓа породилиште, каде што била жена со своето бебе и лекар, соопшти државната служба за итни случаи на Телеграм.
 
Бебето било убиено во нападот, а мајката и докторот биле спасени од урнатините, рекол изворот.
 
Украинскиот претседател Володимир Зеленски денеска ја обвини Русија за „терор и убиство“ по гранатирањето на породилиштето.
 
„Непријателот уште еднаш реши со терор и убиства да го постигне она што не можеше да го постигне за девет месеци“ од инвазијата на Украина, напиша Зеленски на Телеграм.
 
Вилњанск е град во северниот дел на областа Запорожје, чиј поголем јужен дел беше окупиран од руските војници, а Москва објави дека ја анектирала таа територија.

Легенда под Главна слика

Фото: ЕПА

Почнавме со спротивставени мислења околу Законот за работни односи, со кој недела се прогласува за неработен ден. Завршивме на Уставен суд.

повеќе

Да ги споменеме и другите големи глобални предизвици: големите опасности од еколошка катастрофа; зголемувањето на нееднаквоста во нашите општества; и напливот на нови технологии кои можат да го нарушат светот доколку истите не бидат соодветно користени и контролирани.

повеќе

Им благодарам на Русите како креатори, но посебно на бугарските послушни  извршители за пропагандата што ја водат против Македонија. Што направија?

повеќе