Коронавирус

Словачка воведува комплетна забрана за движење од 8 до 13 април

Словачка планира да воведе целосна забрана за движење на граѓаните од 8 до 13 април.

Ова се воведува за да се спречи ширењето на новиот коронавирус, соопшти вечерва словачкиот премиер Игор Матович, што ќе претставува забрана што ќе се применува пред и за време на Велигден.

Матович рече дека од мерката ќе бидат изземени само оние што излегуваат за да одат на работа, во продавница за храна, во посета на лекар, на погреб или да му помогнат на друго лице, пренесува ТАСР.

Според него, целта на овие мерки е да се избегне непотребно патување и средби, а со тоа и непотребно ширење на заразата, пренесува Ројтерс.

Во Словачка, за време на Велигден обичај е да се посетуваат роднини и пријатели.

Матович најави дека указот ќе биде усвоен утре на седница на владата.

За да се спречи ширењето на коронавирусот во Словачка досега е забранет меѓународниот патнички сообраќај, сите јавни настани, затворени се училиштата и повеќето продавници.

Досега во Словачка се разболеа 485 лица, а едно лице почина.

Дали е аксиом дека со членството во НАТО е гарантирана безбедноста на Македонија? Дали почеток на преговори значи и отворен пат за членство во ЕУ?

повеќе

Што е со оние граѓани кои не се вклопуваат во нашиот (би)етнички дискурс?

повеќе

Постојат различни фактори кои влијаат на нивото на ризик кога станува збор за перење пари. Тоа може да биде од клиенти, региони, производи или ризик од финансиски инструменти. Разбирањето на овие ризици, како и факторите што придонесуваат, им овозможува на надлежните органи многу поефикасно да се заштитат од перење пари поврзано со корупција.

повеќе