НАЈГОЛЕМИОТ СЕРИСКИ УБИЕЦ ВО РУСИЈА

Сибирскиот „ловец на проститутки“ призна уште 59 убиства на жени (ВИДЕО)

Поранешниот полицаец кој станал сериски убиец од сибирскиот град Ангарск, Михаил Папков, призна дека убил најмалку уште 59 жени, две години откако доби доживотна казна затвор за 22 убиства. Како мотив за злосторствата ја навел желбата „да ја исчисти татковината од проститутки“, пренесуваат агенциите.

Папков сега е обвинет за 47 нови убиства, а новиот број на неговиот жртви може да достигне 81, со што тој ќе го надмине озлогласениот Андреј Чкатило, кој беше погубен во 1994 за убиство на најмалку 52 лица.

Михаил Папков има 52 години и себеси се нарекува „ловец на проститутки“. Руското јавно обвинителство, меѓутоа, го оцени тоа како бесмислица и го смета за обичен сериски убиец. Во интервју за руските медиуми, Папков не покажал ни најмало каење.

„Што вредат зборовите, семејствата на жртвите и онака не би ми верувале. Ги разбирам и јасно е од нивните очи дека доживотниот затвор не е доволна казна“, вели тој.

Потерата по Папков траела 20 години, а на крајот го разоткриле трага од автомобилска гума и копче од неговата полициска униформа.

За да дојдат до ДНК од извршителот, властите ги ексхумирале жртвите и тестирале над 3.000 осомничени.

Евгенија Протасова, една од жртвите, тешко ја повредил, но преживеала. „Мене не ме силуваше, но безмилосно ме тепаше, едноставно сакаше да ме убие“, изјави таа за руска телевизија.

Најголемиот сериски убиец во историјата на Русија е најверојатно одговорен за најмалку 81 човечки живот. Едно е сигурно – тој повеќе никогаш нема да биде слободен, бидејќи во таа земја доживотниот затвор значи буквално „до крајот на животот“.

Помина 22 јуни во уште едно потсетување, дека пред 16 години во 4,30 часот почна битката за Арачиново во која загинаа тројца припадници на македонските полициски сили.

повеќе

И во Турција, како и во Иран и Романија народот постојано ќе го поставува истото прашање: дали средствата потрошени за глорификација на власта можеа да бидат употребени за искоренување на сиромаштијата.

повеќе

Дали Борисов ќе го негира својот претходник, поранешниот премиер, генерал Рачо Петров и ќе продолжи да инсистира на заедничка историја која официјална Бугарија упорно настојува да ни ја подметне.

повеќе