Шојгу во Белорусија: Западот само официјално не им објави војна на нашите земји

Рускиот министер за одбрана Сергеј Шојгу во саботата во Белорусија се сретна со белорускиот министер за одбрана Виктор Кренин, како и со претседателот Александар Лукашенко. Руските и белоруските медиуми објавија дека Шојгу разговарал за „воената обука и регионалната безбедност" со своите белоруски колеги.

Фото: ЕПА

На средбата со белорускиот министер за одбрана Виктор Кренин е потпишан договор за „соработка во областа на одбраната и регионалната безбедност“, соопшти белоруското Министерство за одбрана.

„Република Белорусија беше и останува наш сигурен партнер. Ова е особено важно денес, во услови на невиден притисок од колективниот Запад и војна која само официјално не им е објавена на нашите земји“, рече Шојгу, а пренесува руската новинска агенција РИА Новости.

Шојгу, исто така, ја пофали „одлучноста на Белорусија да се спротивстави на непријателствата на САД и нивните сојузници“, пренесе РИА.