„Тоа не е филозофско прашање“

Шефот на унгарската дипломатија: Ќе го плаќаме гасот на начин кој обезбедува негова испорака

Унгарскиот министер за надворешни работи и трговија Петер Сијарто се огласи околу плаќањето на рускиот гас.

EPA-EFE

Тој истакна дека „нема сомнеж дека Унгарија мора да го плаќа рускиот гас на начин кој ја обезбедува неговата испорака“.

„Снабдувањето со енергија е прашање на националната безбедност и должност на владата е да им ја гарантира безбедноста на граѓаните“, кажа тој во Загреб по состанокот со хрватскиот колега Гордан Грлиќ Радман.

Унгарија ја завршува својата домашна задача, кажа Сијарто, додавајќи дека Европа и понатаму во голема мера ќе зависи од руското снабдување со гас доколку не се најдат алтернативни извори на природен гас и алтернативни патишта за испорака.

„Снабдувањето со енергија не е филозофско туку физичко прашање“, порача шефот на унгарската дипломатија, истакнувајќи дека независноста од руската енергија е невозможна без значајни вложувања во инфраструктурата.

Сијарто како пример го наведе проширувањето на хрватскиот терминал за течен природен гас на островот Крк, напоменувајќи дека тој терминал би ѝ користел на Унгарија само ако се подобри хрватскиот систем за транзит на гас.

Унгарија во моментов е во состојба годишно да увезува до 7 милијарди кубни метри гас од Хрватска, кажа тој и додаде: „Никој нема право да очекува од нас да дозволиме унгарскиот народ да ја плаќа цената на војната“.

Легенда под Главна слика

EPA-EFE

Минатата недела во јавноста се актуелизираше дискусијата за концептот на даночната реформа.

повеќе

Војната во Украина ја разоткри вистината за Русија, но и вистината за Европа. 

повеќе

Несанкционирањето на овој говор доведува до повторување, ширење и злоупотреба на овие аномалии како еден вид „нормализиран“ начин во политичката борба против поединци и групи со различни мислења.

повеќе