Шефот на НАТО: Ова е опасност за сите нас, почнува клучна фаза од војната (ВИДЕО)

Генералниот секретар на НАТО Јенс Столтенберг зборуваше на прес-конференција во Брисел.

Фото: ЕПА

„Она што сега го гледаме е бруталност од размери што не сме ги виделе во Европа од Втората светска војна“, рече тој. „И ова е исклучително сериозно. Страшно е и, се разбира, предизвикува страдање на украинскиот народ“, рече тој.

„Но, тоа е исто така опасно за сите нас. Ја гледаме и природата на војната на претседателот Путин, неговото непочитување и на владеењето на правото, меѓународните правила, како и непочитување на основните човекови права“, додаде тој.

Тој рече дека Москва не се откажува од својата офанзива врз Украина, но ќе се обиде повторно да се фокусира на целосно окупирање на регионот Донбас во наредните недели.

„Сега гледаме значително поместување на (руските) трупи од Киев со цел да се прегрупираат, повторно да се вооружат, да се снабдат и да го префрлат фокусот на исток“, рече тој.

„Во следните недели очекуваме натамошни руски дејствија во источна и јужна Украина за да се обидат да го окупираат целиот Донбас и да создадат копнен мост до окупираниот Крим“.

„Значи, ова е клучна фаза од војната“, предупреди Столтенберг.

Тој ја прозва Кина дека „не сака да ја осуди руската агресија“, обвинувајќи ја дека „се приклучува на Москва во преиспитувањето на правото на народот да го избере сопствениот пат“.

Легенда под Главна слика

Фото: ЕПА

Со францускиот предлог на патот кон ЕУ македонскиот народ ќе ја изгуби историската тапија врз сопствената свест и наследство.

повеќе

Ако пак се натури овој бесмислен консензус на Франција, кој ги признава сите емоции на Бугарија, тогаш оваа неспособна власт ќе не одведе подлабоко од сегашниот амбис.

повеќе

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе