„Кина, Русија, Иран и меѓународниот тероризам се најголемите закани за Британија“

Шефот на МИ6: Погрешна проценка на Пекинг би можела да доведе до војна

Кина, Русија, Иран и меѓународниот тероризам се најголемите безбедносни закани за Британија, објави денес британската надворешна разузнавачка агенција МИ6.

EPA-EFE

Шефот на МИ6 Ричард Мур кажа дека Кина е една од најголемите закани за Британија и нејзините сојузници и дека „погрешна проценка“ на Пекинг би можела да доведе до војна.

Мур кажа дека Кина, Русија, Иран и меѓународниот тероризам ја сочинуваат „големата четворка“ на безбедносни закани со кои британските шпиони се соочуваат во нестабилниот свет.

Во првото обраќање до јавноста откако во октомври 2020 стана шеф на МИ6, Мур кажа дека Кина е „најголемиот поединечен приоритет“ на таа разузнавачка агенција, бидејќи нејзиното раководство во сè поголема мера поддржува „храбра и одлучна акција“ за остварување на сопствените интереси.

Мур ја нарече Кина „авторитарна држава со поинакви вредности“ од британските, наведувајќи дека Пекинг спроведува „шпионски операции од големи размери“ против Британија и нејзините сојузници, дека се обидува да го „искриви јавниот дискурс и политичкото носење на одлуки“ и да извезува технологија која овозможува „мрежа на авторитарна контрола“ низ светот.

Додаде и дека Британија и понатаму „се соочува со акутна закана од Русија“, дека Москва ги финансирала обидите за убиства како труењето на поранешниот двоен шпион Сергеј Скрипаљ во Англија во 2018 година, дека стои зад сè поголем број хакерски напади и дека се обидува да се меша во демократските процеси на други земји.

„Ние и нашите сојузници и партнери мораме да се спротивставиме на руските активности кои се во спротивност со меѓународниот систем заснован на правила“, наведе шефот на МИ6.

Мур кажа дека Иран исто така претставува голема закана бидејќи ја користи екстремистичката група Хезболах за да поттикнува политички немири во соседните земји.

Легенда под Главна слика

EPA-EFE

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе