Северна Кореја смета дека нема изгледи за нови преговори со САД

Северна Кореја ги потона надежите дека преговорите со САД за нејзината нуклеарна програма наскоро ќе продолжат.

Фото: ЕПА

Првиот заменик министер за надворешни работи Чое Сон-Хуи, во саботата изјави дека Вашингтон го користи дијалогот со Пјонгјанг „само како средство за решавање на своите политички кризи“.

„Не чувствуваме никаква потреба да седиме очи в очи со САД“, рече тој, како што објавија севернокорејските медиуми.

Чое ги коментираше шпекулациите дека нов самит меѓу американскиот претседател Доналд Трамп и лидерот на Северна Кореја ќе се одржи пред американските избори предвидени за ноември.

Претседателот на Јужна Кореја Мун Џае Ин повторно е предложен за посредник. За време на видео самитот со Европската унија во вторникот, тој рече дека сака да стори сè што може за самитот Северна Кореја-САД да се организира пред американските избори, соопштија официјални лица од неговата канцеларија.

Поранешниот советник за национална безбедност, Џон Болтон изјави дека Трамп ќе се сретне со Ким непосредно пред изборите, доколку верува дека тоа ќе му помогне да освои уште еден претседателски мандат.

„Постојат дури и некои сонувачи кои се надеваат дека ќе влијаат врз нашите мерки за денуклеаризација за условно укинување на санкциите, истовремено будејќи ги надежите за ‘октомвриско изненадување’“, рече Чое.

„Соединетите Држави грешат ако мислат дека работите како преговори ќе продолжат да влијаат врз нас“.

Северна Кореја е под строги меѓународни санкции поради својата нуклеарна програма.

Нуклеарните преговори со САД не продолжија откако не успеа самитот Трамп-Ким во Виетнам во февруари 2019 година.

Пјонгјанг од тогаш постојано повторува дека не е заинтересиран за нови разговори сè додека Вашингтон не изнесе нови предлози.

Легенда под Главна слика

Фото: ЕПА

Ковид-19 може да нѐ научи битни лекции за животот - дека почитта кон другите човечки суштества не е во честа која им ја даваме со пружање рака и тапкање по грбот, туку во суштинската грижа за нивната добробит и здравје.

повеќе

За преродба требаат само три чекора: промена на изборниот модел, укинување на мега и квази државниот апарат заедно со сите паразити во него и економски план за ревитализација на земјата.

повеќе

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе