Северна Кореја испука сомнителна ракета во морето

Северна Кореја во средата испука неидентификувана ракета во своите источни води, објавија јужнокорејската и јапонската војска.

Фото: ЕПА

Последното лансирање дојде откако севернокорејскиот лидер Ким Џонг Ун на конференцијата на владејачката партија минатата недела вети дека дополнително ќе ја зајакне воената способност.

Генералштабот на Јужна Кореја соопшти дека Северна Кореја во средата наутро истрелала проектил кон своите источни води, без да даде повеќе детали.

Јапонското Министерство за одбрана не даде детали во соопштението. Беше кажано само дека Северна Кореја испукала нешто што веројатно е ракета.

Северна Кореја во септември и ноември минатата година тестираше серија новоразвиено оружје, вклучително и ракети со нуклеарни способности.

Некои експерти велат дека Северна Кореја врши притисок врз своите ривали да ја прифатат како нуклеарна држава и да ги олеснат меѓународните санкции кон таа земја.

Администрацијата на Бајден постојано вели дека е отворена за продолжување на нуклеарната дипломатија со Северна Кореја „секаде и во секое време“ без предуслови.

Северот досега ги отфрлаше таквите обиди, велејќи дека непријателството на САД останува непроменето.

Легенда под Главна слика

Фото: ЕПА

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе