Се враќа Тони Блер: поранешниот британски премиер тргнува во кампања против брегизтот (ВИДЕО)

Поранешниот премиер на Велика Британија Тони Блер почна денес кампања во обид да ја смени одлуката за излегување од Европската Унија.

Блер ги повикува гласачите да се спротивстават на владината одлука да ја напушти ЕУ по секоја цена, тврдејќи дека таквиот потег би можел да биде штетен за идните генерации. Тој кажа дека минатогодишниот референдум за напуштање на ЕУ е базиран врз целосна неинформираност, односно дека граѓаните на Британија не ги сфатиле вистинските последици од брегзитот.

„Со откривањето на фактите, нивно право е да ја сменат одлуката, а нашата мисија е да ги убедиме така да постапат“, вели Блер.

Тој истакна дека напуштањето на ЕУ не било неизбежно и дека луѓето што се залагале за излегување го искористиле расположението на револт кое тогаш владеело поради промени во глобалната економија.

Блер планира да основа институт и да формира партиска алијанса за да се бори против брегзитот.

Блер кажа и дека владата на премиерката Тереза Мејстанала опседната со брегзитот до таа мера што сите други проблеми се игнорираат. Проблемите на модерната економија, националната здравствена служба, ефектите на глобализацијата и контролата на емиграцијата целосно се занемарени.

„Ова не е време за повлекување, рамнодушност и очајување, туку време е да го браниме она во што веруваме“, истакна поранешниот британски премиер.

Засега не е јасно колкава поддршка ќе добие Блер, бидејќи изгуби голем дел од популарноста со поддршката на американската интервенција во Ирак која беше заснована врз лажни разузнавачки тврдења за оружје за масовно уништување.

Спортските објекти што се изградени со буџетски пари не смеат да бидат извор за заработувачка што ќе заврши во приватни џебови, ниту пак инструмент за манипулација на граѓаните и ширење на клиентелизмот.

повеќе

Политичките кризи, регионалните тензии и влошувањето на демократијата покажуваат дека постои зголемен ризик од конфликт и нестабилност на Балканот.

повеќе

Колумната е објавена на 25 септември 2010 година во весникот „Време“.

повеќе