САД ќе ѝ дадат 17 милиони долари помош на босанската армија

Американскиот амбасадор во Босна и Херцеговина, Мајкл Марфи, најави дополнителна финансиска поддршка од својата влада за вооружените сили на Босна и Херцеговина, кои со години се соочуваат со хроничен недостиг од пари од државниот буџет. 

Фото: ЕПА

Во порака објавена на профилот на амбасадата на САД на Твитер, Марфи ја честита годишнината од формирањето на единствените вооружени сили на Босна и Херцеговина, создадени во 2006 година со спојување на претходните армии на ентитетите.

Оваа интеграција беше извршена под силен притисок на меѓународната заедница, особено на САД, а Босна и Херцеговина доби обединета армија, која се состои од околу десет илјади професионални војници, подофицери и офицери и околу пет илјади припадници на т.н. активни резервисти. Американскиот амбасадор истакна дека нема земја што повеќе од САД инвестирала во помош на вооружените сили на Босна и Херцеговина.

„Мојата земја се гордее со тоа. Денеска со задоволство можам да објавам дека оваа година САД издвојуваат дополнителни 17 милиони долари за поддршка на вооружените сили на Босна и Херцеговина“, рече Марфи. Буџетот со кој располага Министерството за одбрана на БиХ и нејзините вооружени сили со години е на ниво под 300 милиони конвертибилни марки, или 150 милиони евра, а со овие пари е можно да се обезбедат само основните функции на армија.

Функционерите во владините тела од редовите на босанските Срби се цврсто против зголемувањето на средствата за армијата на БиХ и се за нејзино целосно укинување, што би го спречило евентуалното членство на БиХ во НАТО, што е и постојана тема на политички контроверзии во земјата.

Легенда под Главна слика

Фото: ЕПА

Им благодарам на Русите како креатори, но посебно на бугарските послушни  извршители за пропагандата што ја водат против Македонија. Што направија?

повеќе

Деновиве адвокатот Тортевски во дебатна емисија рече дека немаме критична маса за држава. Не знам дали е така, но изгледа немаме критична маса за сериозни дебати и дијалози во општеството. 

повеќе

Светска банка проценува дека за секој долар инвестиран во здравството, државата има бенефит од 4 долари во смисла на зголемена економска продуктивност.

повеќе