САД испраќаат моќни ракетни системи во Украина, посилни и попрецизни од руските

Американскиот претседател Џо Бајден изјави дека Соединетите Држави ќе ѝ дадат на Украина понапредни ракетни системи и муниција за „попрецизно да гаѓаат клучни цели на бојното поле во Украина".

Фото: ЕПА

„Брзаме да ѝ испратиме на Украина значителни количини оружје и муниција за да може да се бори на бојното поле и да биде во најсилната можна позиција на преговарачката маса“, рече Бајден.

Новото оружје ќе го вклучува високомобилниот артилериски ракетен систем М142 (химарс). Системите можат да лансираат повеќе проектили со попрецизно наведување на цели оддалечени 70 километри, што е значително повеќе од опремата што Украина моментално ја има. Исто така, се верува дека тие се попрецизни од нивните руски еквиваленти, пишува Би-би-си.

Минатиот месец, началник на украинската армија рече дека системите „химарс“ ќе бидат „клучни“ во можноста да се спротивстават на руските ракетни напади.

САД очекуваат Украина да го распореди оружјето во источниот регион Донбас, каде борбите се најинтензивни и каде што може да се користи за да се нападнат руските артилериски единици и силите насочени кон украинските градови.

Претставници на Белата куќа се согласија да ги обезбедат ракетите дури откако добија гаранции од претседателот Володомир Зеленски дека оружјето нема да се користи за напади врз цели во Русија.

Набргу откако Бајден објави дека САД ќе испратат оружје во Украина, руски воени претставници објавија дека нивните нуклеарни сили одржуваат вежби во провинцијата Иваново недалеку од Москва, пренесува Интерфакс.

Претходно рускиот министер за надворешни работи Сергеј Лавров го обвини Западот дека им испраќа оружје на „украинските националисти“ и рече дека секоја испорака на оружје во Украина ќе стане легитимна цел за Москва. Исто така, министерството за надворешни работи соопшти дека земјите од НАТО „си играат со оган“ испраќајќи оружје во Украина.

Легенда под Главна слика

Фото: ЕПА

На 6 октомври 1946 година почна носењето на моштите на Гоце Делчев од Софија во Скопје, столицата на слободна Македонија.

повеќе

Постои нужна потреба од прилагодување на студиските програми, соодветните силабуси и наставниот курикулум на реалната потреба на пазарот на труд во државата.

повеќе

Во текот на оваа и претходната година, инфлацијата ја задуши македонската економија. 

повеќе