И ставот на ЕУ е против создавање турска држава

САД го отфрлија турското барање на Кипар да има две држави

Соединетите Американски Држави отфрлаат какво било решение на две држави за Кипар кое во последните денови го предлагаше турскиот претседател Реџеп Таип Ердоган, изјави денес функционерката на американскиот Стејт департмент Викторија Нуланд.

EPA-EFE

Таа во Конгресот на прашањето дали американската влада недвосмислено ја отфрла таквата опција одговори: „Да, апсолутно!“.

„Веруваме дека процесот кој го водат Кипарците може на Кипар да му донесе мир и стабилност“, додаде таа.

Ердоган за време на дводневната посета на северниот дел на Кипар кој речиси половина век е под окупација на Турција, кажа дека „трајно и одржливо решение може да биде единственото можно“ имајќи предвид дека на островот има „две одделни држави и два одделни народи“.

„Меѓународната заедница порано или подоцна ќе ја прифати оваа реалност“, кажа Ердоган пред прославата на 47-годишнината од инвазијата на Турција со која беше поделена островската држава.

Обединетите нации во 1964 испратија мировни трупи на Кипар, кои се сè уште таму, за да го прекинат конфликтот меѓу двете тамошни национални заедници. По пучот на поддржувачите на обединувањето на Кипар со Грција, Турција во 1974 година го окупираше северот на островот населен со турско малцинство и ја прогласи до ден денес меѓународно непризнатата „Турска Република Северен Кипар“.

Советот за безбедност на ОН во 1983 година усвои резолуција со која сецесијата на кипарските Турци беше оценета како нелегална.

Европската Унија, чија членка е Кипар, исто така ја исклучува можноста за создавање втора, турска држава на островот.

Легенда под Главна слика

EPA-EFE

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе