Рускиот „амбасадор“ на државната телевизија: „Украина повеќе не постои“

Родион Мирошник, т.н руски амбасадор во самопрогласената проруска Народна Република Луганск, неодамна се појави во ток-шоу на руската прорежимска телевизија Русија 1, каде рече дека „Украина повеќе не постои". Независноста на т.н Народна Република Луганск е призната само од Русија, Сирија и Северна Кореја.

Фото: Википедија

„Денес Украина повеќе не е Украина. Украина не постои“, рече Мирошник, додавајќи дека таа „систематски се менува“.

On Russian state TV, Rodion Miroshnik, the so-called "Ambassador" of LPR— Russia's faux "Republic" in occupied Ukraine—claims that Ukraine no longer exists. He says that what used to be Ukraine is now just an English-speaking tribe, full of foreigners, fighting against Russia. pic.twitter.com/IkF4WL33gi
— Julia Davis (@JuliaDavisNews) September 10, 2022

„Тоа сега е воинствено племе, кое го опремуваат, тренираат и финансираат, а потоа го испраќаат да умре“, рекол рускиот „амбасадор“ и додал: „Има многу видеа, толку многу луѓе во нивните редови зборуваат англиски. Многу е важно Украинците да зборуваат англиски затоа што треба директно да комуницираат со своите шефови. Тие треба да разговараат со НАТО на нивниот јазик“.