Руска нуклеарна подморница истрела четири интерконтинентални балистички ракети (ВИДЕО)

Руска нуклеарна подморница, како што беше соопштено, денес успешно испука четири интерконтинентални балистички ракети, што, како што вели агенцијата АП, е демонстрација на подготвеноста на руските нуклеарни сили среде напнатоста со Соединетите Држави.

Фото: Јутјуб

Министерството за одбрана соопшти дека подморницата „Владимир Мономах“ од Пацифичката флота брзо и последователно лансирала четири ракети „Булава“ од подводната позиција во Охотско Море.

Лажните боеви глави на тие ракети ги погодиле целите на стрелиштето во регионот Архангелск, на северозападот на Русија, оддалечено повеќе од 5.500 километри, се вели во соопштението на Министерството.

„Владимир Мономах“ е една од новите нуклеарни подморници од класата „Бореи“, кои носат по 16 проектили „Булава“ и кои се јадрото на поморската компонента на руските нуклеарни сили во следните децении.

Друга подморница од истиот тип изврши слично лансирање на четири ракети „Булава“ во 2018 година, што, според АП, претставувало скапа демонстрација на ефективноста на нуклеарното одвраќање на Русија, со имитирање на условите на голем нуклеарен конфликт.

Во денешниот извештај до претседателот Владимир Путин, министерот за одбрана Сергеј Шојгу рече дека лансирањето било крај на големата вежба на стратегиските нуклеарни сили на Русија, која почна во средата.

Како дел од тие маневри, друга руска нуклеарна подморница лансираше и една интерконтинентална балистичка ракета од Баренцово Море, копнен ИЦБМ беше лансиран од објектот Плесецк во северозападна Русија, а стратешките бомбардери Ту-160 и Ту-95 истрелаа крстосувачки ракети кон полигоните на Арктикот.

Русија ги прошири своите воени вежби во последните неколку години во екот на тензиите со Западот, откако поради руската анексија на украинскиот полуостров Крим во 2014 година односите сега се најлоши од Студената војна.

Серијата лансирање ракети доаѓа помалку од два месеци пред американско-рускиот договор за контрола на оружјето Нов СТАРТ да истече во почетокот на февруари.

Москва и Вашингтон разговараа за можноста за негово продолжување, но досега не беа во можност да ги надминат разликите.

Нов СТАРТ беше потпишан во 2010 година од претседателите Барак Обама и Дмитриј Медведев.

Тој ги ограничува двете држави на максимум 1.550 распоредени нуклеарни боеви глави и 700 распоредени ракети и бомбардери и предвидува обемни теренски прегледи за да се потврди почитувањето на договорот.

Откако и Москва и Вашингтон минатата година се повлекоа од Договорот за нуклеарни сили со среден дострел од 1987 година, Нов СТАРТ е единствениот преостанат договор за контрола на нуклеарното оружје од две нации што сè уште важи.

Застапниците за контрола на вооружувањето предупредуваат дека со неговото истекување ќе ја снема целата контрола врз американските и руските нуклеарни сили, што претставува закана за стабилноста на светот.

Легенда под Главна слика

Фото: Јутјуб

Опседнатоста со лесна и брза заработувачка, завидливоста и љубомората кон побогатите, невидената мрзливост комбинирана со желбата за убав и прилично ситуиран живот, од Македонците создаде зомбизирани суштества кои лутаат низ времето и просторот, без патоказ и без изграден вредносен ориентир по кој ќе се водат низ животот.

повеќе

Иако новогодишните честитки во јануари оваа година, беа најчесто за здравје и со желба за „старото нормално“, првите три месеци од 2021 година не навестуваат крупни промени околу тоа кој ќе биде повторно најизговорениот збор и во периодот кој претстои. 

повеќе

Програмата за вакцинација во Бугарија може исклучиво да се окарактеризира како фијаско. 

повеќе