Руска новинарка приведена па ослободена, прогласена за непожелна личност на Косово

Властите во Приштина ја ослободија притворената новинарка на Комсомолскаја правда Дарија Асламова која синоќа беше приведена на Косово.

EPA-EFE

„Дарија Асламова стапи во контакт со нашата редакција и кажа дека се наоѓа во местото Рашка. Ноќта на 7 август косовските власти ја пуштиле по приведувањето, а потоа таа сама отпатувала со автобус“, се наведува во соопштението на весникот кое го пренесува агенцијата РИА Новости.

Таа стапила во контакт со руската амбасада во Србија. Асламова синоќа беше приведена на Косово, а според министерот за внатрешни работи Џељаљ Свечија, била осомничена за шпионирање во корист на руските разузнавачки служби.

Како што наведува РИА, Свечија не дал никакви докази за овие тврдења.

Комсомолскаја правда објасни дека Асламова се наоѓа во Србија по налог на уредникот и дека требало да подготви специјален извештај за најновото заострување на тензиите меѓу Белград и Приштина.

Свечија соопшти денес дека руската новинарка Дарија Асламова е прогласена за непожелна личност и дека ѝ е забранет влезот на Косово пет години.

„Како министер за внатрешни работи, во рамки на своите законски овластувања, ја прогласив Дарија Асламова за непожелна личност во Република Косово. На ова лице му е забранет влез на територијата на Република Косово пет години“, наведе Свечија.

Според него секој кој е со одредени цели или директиви или се обидува да го дестабилизира Косово ќе се соочи со силата на законот.

Легенда под Главна слика

EPA-EFE

Одлучната изборна победа на италијанската десница овозможува нејзиниот лидер да биде првата жена премиер во Италија и прва која тврди дека недвосмислено има постфашистичко потекло.

повеќе

Нов фронт за работа на градежните фирми на веќе изградените згради (и куќи) треба да биде топлинската изолација.

повеќе

Во Македонија не постои никаква забрана за конверзиона терапија, а лиценцираните психолози што може да се јават како спроведувачи или наведувачи на ваква „терапија“, за жал, не сносат никакви последици.

повеќе