„Русија нема хемиско оружје, обвинувањата се провокативни и празни“

Руската амбасада во Вашингтон соопшти дека изјавите на портпаролот на Стејт департментот Нед Прајс за можноста Русија да користи хемиско оружје во Украина се „провокативни и празни“.

EPA-EFE

„Ги слушнавме провокативните изјави кои ги даде секретарот за печат на американскиот Стејт департмент Нед Прајс на брифингот на 12 април“, соопшти руската амбасада.

„Нед Прајс уште еднаш се истакна со своите бесмислени приказни кои не се поткрепени со ниеден доказ“, се додава во соопштението.

Амбасадата соопшти дека руските оружени сили „немаат и не можат да имаат на располагање никакви хемиски воени агенси бидејќи нивната земја ги елиминира сите залихи на хемиско оружје уште во 2017 година“, пренесува Си-ен-ен.

„Информацијата која ја потврди министерството за одбрана на Русија за подготовка на провокации на украинските радикали со употреба на хемикалии е вознемирувачка. Имаме и прашања за потеклото на овие супстанци“, додаде амбасадата.

Го критикуваа и спомнувањето на воените и стратегиски неуспеси на руската инвазија. Истакнаа дека руските оружени сили „успешно ги завршија задачите кои беа ставени пред нив во Украина“.

Коментарите се одговор на изјавата на Прајс дека „САД се загрижени дека Русија би можела да се обиде да употреби хемиско оружје“, за време на вчерашниот брифинг.

„Русија има репутација. Русија ги користела овие агенси против сопствениот народ“, кажа Прајс.

САД и Британија соопштија вчера дека ги истражуваат извештаите за употреба на хемиско оружје од страна на руските сили во Мариупол.

Легенда под Главна слика

EPA-EFE

Ако пак се натури овој бесмислен консензус на Франција, кој ги признава сите емоции на Бугарија, тогаш оваа неспособна власт ќе не одведе подлабоко од сегашниот амбис.

повеќе

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе

Енергетската криза во светот, но и во Република Македонија (РМ), не стивнува иако сме на почеток на летото кога вообичаено има помала потрошувачка на енергија кај нас. 

повеќе