Русија: Некој се обидува да предизвика војна меѓу нас и НАТО

Руската мисијата при Обединетите нации денеска го повтори претходниот демант на Москва за вмешаност во експлозијата во Полска и без да обезбеди докази или конкретно да именува која било страна, тврди дека инцидентот бил обид директно да се вовлече НАТО во војната во Украина.

Фото: Твитер

Две лица загинаа вчера кога, како што соопштија полските власти, падна „проектил од руско производство“ во близина на селото Пржеводов, на околу 6,4 километри западно од украинската граница, приближно во исто време кога московските сили го лансираа својот најголем бран ракетни напади врз украински градови во повеќе од еден месец.

„Фактите покажуваат дека Русија немала никаква врска со ракетите што ја погодија полската територија“, изјави првиот заменик на постојаниот претставник на Русија во ОН Дмитриј Полјански на Телеграм. „Инцидентот во Полска е обид да се предизвика директен воен конфликт меѓу НАТО и Русија“.

Полјански рече дека инцидентот ќе биде во центарот на вниманието на состанокот на Советот за безбедност на ОН за Украина подоцна денеска.

Околностите на инцидентот, вклучително и кој го истрелал проектилот и од каде е истрелан, остануваат нејасни. По вонредниот состанок на маргините на самитот на Г-20, лидерите на НАТО и Г7 рекоа дека ја понудиле својата „целосна поддршка“ на Полска и дека „ќе останат во близок контакт“ за да се утврдат соодветните следни чекори. Генералниот секретар на НАТО Јенс Столтенберг ќе претседава со итен состанок на алијансата утрово во Брисел.

Рускиот министер за надворешни работи Сергеј Лавров отпатува од Бали во Русија, еден ден пред крајот на самитот на Г-20 на тој индонезиски остров, јавуваат руските државни медиуми.

Државната новинска агенција ТАСС објави дека програмата на Лавров на самитот на Г-20 заврши „како што се очекуваше“, без да прецизира кога си заминал.

Легенда под Главна слика

Фото: Твитер

Македонија нема рециклирачки капацитет за пластичната амбалажа, а со увозот на ѓубре како гориво во индустријата, станува и неофицијална депонија на ЕУ.

повеќе

Влијанието на корупцијата врз економијата е значајно. Корупцијата може да доведе до неефикасност и погрешна распределба на ресурсите, да ги обесхрабри странските инвестиции и да ја поткопа конкурентноста на фирмите.

повеќе

Почнавме со спротивставени мислења околу Законот за работни односи, со кој недела се прогласува за неработен ден. Завршивме на Уставен суд.

повеќе