Русија ќе вакцинира 400.000 војници против коронавирусот

Русија има намера да вакцинира повеќе од 400.000 војници и друг воен персонал против ковид-19, рече во петокот министерот за одбрана Сергеј Шојгу, објави Ројтерс, додавајќи дека земјата штотуку забележала рекорден дневен број од 27.543 нови случаи на зараза.

Фото: ЕПА

Министерот за одбрана потсети дека досега против ковид-19 се вакцинирани 2.500 припадници на вооружените сили, а до крајот на годината тој број треба да се зголеми на 80.000.

Русија, чии научници работат на повеќе вакцини против вирусот САРС-КоВ-2, од септември се соочува со нагло ширење на инфекцијата, но властите претпочитаат да се потпрат на насочени мерки во одделни региони отколку да ја затворат целата земја.

Индиската фармацевтска компанија „Хетеро“ годишно ќе произведува повеќе од 100 милиони дози од руската вакцина против ковид-19, наречена Спутник V, според договорот помеѓу Рускиот фонд за директни инвестиции (РДИФ) и индискиот производител на лекови.

Сибирскиот институт Вектор, кој ја развива другата руска вакцина против ковид-19, Епи-Вак-Корона, соопшти дека имунитетот нема да биде доживотен и дека по првите две инјекции ќе треба да се спроведе дополнителна вакцинација шест до 10 месеци, а потоа на секои три години.

Институтот е подготвен да произведува до пет милиони дози вакцина годишно, изјави Александар Рижиков, раководител на одделот за зоонози и грип.

Во Русија досега се регистрирани вкупно 2.215.533 заболени и 38.558 смртни случаи.

Легенда под Главна слика

Фото: ЕПА

И сега вие замислете, на едно детенце од 6 години да му кажувате со авторитет на наставник дека не треба да се дефинира како машко или женско.

повеќе

Засега СДСМ и ВМРО-ДПМНЕ и нивните заеднички алтер-фабрикати не даваат впечаток дека го разбираат новосоздадениот замаец.

повеќе

Западен Балкан оди во насока на целосна контрола на државните институции во служба на политичките елити. Не е чудо што граѓаните имаат ниска доверба во овие институции.

повеќе