Путин понудил, Трамп прифатил

Русија им испраќа медицинска помош на САД за борбата против коронавирусот

Русија им испраќа на Соединетите Американски Држави опрема за помош во борбата против коронавирусот, јавуваат руските агенции повикувајќи се на портпаролот на Кремљ Дмитриј Песков.

Претседателот Владимир Путин му ја предложил помошта во телефонскиот разговор со претседателот Доналд Трамп во понеделникот кога разговарале за пандемијата на коронавирусот и цената на нафтата.

„Трамп со благодарност ја прифати понудената хуманитарна помош“, изјави Песков.

Рускиот авион со медицинска и заштитна опрема би можел уште утре да летне за САД, додаде тој.

САД имаат речиси 180.000 потврдени заболени со вирусот ковид-19, со тоа што денес беа потврдени нови 16.000.

Втор ден по ред во САД умираат повеќе од 500 луѓе, со што вкупниот број на смртни случаи поврзани со вирусот се искачи на 3.600, јавува Ројтерс повикувајќи се на официјалните информации.

Односите на Русија и САД во последните години се комплицирани поради санкциите кои Вашингтон им ги наметна на руските компании по анексијата на црноморскиот полуостров Крим.

Доколку нешто радикално не се промени, не можеме да очекуваме дека нашата економија брзо ќе се нормализира и ќе излезе од сегашната криза.

повеќе

Како да разликуваш дали „Македонец” означува етничка припадност или државјанство? Според потребата на моментот!

повеќе