Русија ги забранува сите меѓународни летови, освен тие што ги враќаат Русите дома

Русија од петок ги забранува „редовните и чартер летовите“ од Русија во други земји и обратно во рамки на напорите за сузбивање на заразата со коронавирусот.

Забраната стапува на сила денес на полноќ според московско време, а исклучок се летовите со кои Русите се враќаат од странство дома, се наведува во указот објавен на интернет страницата на премиерот Михаил Мишустин.

Русија досега пријави над 650 случаи на зараза со коронавирусот, главно во престолнината Москва.

Московскиот градоначалник Сергеј Собјанин го предупреди неделава претседателот Владимир Путин дека вистинскиот број случаи би можел да биде „значително поголем“ од пријавените.

Путин во телевизиско обраќање до нацијата ги советуваше Русите да останат дома и кажа дека треба да им се дозволи останување дома на работниците од понеделник до петок следната недела, како и дека тие денови ќе им бидат платени.

Русија воведе и строги мерки на карантин за сите што ќе влезат во земјата од странство и сите кои можеле да бидат изложени на лица заразени со вирусот.

Владата одлучи дека нема да наметнува карантин како оној во соседна Кина и во повеќето европски земји.

Пандемијата на коронавирусот која го зафати целиот свет, не само што има огромно влијание врз јавното здравство, општеството и економијата како целина, туку предизвика пустош и во спортот.

повеќе

За транспортерите – благодарам, за мерките – итност, за компаниите надеж дека Владата ќе ги искористи сите ресурси на државата за да ги одржи во живот, без разлика на цената што треба да се плати за тоа.

повеќе

Пандемијата со коронавирусот започна во време кога довербата во институциите беше на рекордно ниско ниво. 

повеќе