„Се придржуваме до мораториумот за поставување ракети“

Путин побара од НАТО да го прекине распоредувањето ракети

Рускиот претседател Владимир Путин побара од НАТО да го сопре распоредувањето на копнени ракети од среден и краток дострел, истакнувајќи дека Русија и понатаму се придржува до мораториумот за разместување на таквите ракети, сѐ додека ракетите од „американско производство“ не се појават во одредени региони.

EPA-EFE

„Потврдуваме дека се придржуваме до мораториумот за разместување копнени ракети од среден и краток дострел, кој претходно го најави Руската Федерација, сѐ додека сличен тип ракето од американско производство не се појаваат во одредени региони“, кажа Путин.

Путин, како што се наведува на сајтот на Кремљ, истакна дека и понатаму е релевантен повикот на Русија до државите членки на НАТО да воведат сличен мораториум на распоредување ракети од среден и краток дострел.

Тој, како што беше претходно објавено, оцени дека повлекувањето на Соединетите Амеркански Држави од Договорот за ликвидација на ракетите од среден и краток дострел (ИНФ) е сериозна грешка која го зголемува ризикот од трка во вооружување.

Американскиот министер за одбрана Марк Еспер претходно ги најави американските планови за зголемување на бројот на ракети од среден и краток дострел во Европа.

Тој кажа дека тоа е поврзано со зголемувањето на бројот на таквите ракети во Русија и Кина, што е, како што тврди, кршење на договорот ИНФ.

Легенда под Главна слика

EPA-EFE

Во САД и некои други земји, припадниците на загрозените расни и етнички малцинства имаат пократок животен век од просечниот, и поради тоа не се доволно застапени меѓу оние за кои најмногу се очекува дека ќе починат од ковид-19.

повеќе

Предвидувањата за тоа дека ќе дојде денот кога Бугарија ќе ги искористи пасошите кои Софија така лесно им ги даваше на македонските државјани почнуваат да се остваруваат.

повеќе

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе