Путин и Ердоган разговараа за руските барања од НАТО

Рускиот претседател Владимир Путин и неговиот турски колега Реџеп Таип Ердоган, чија земја е членка на НАТО, синоќа телефонски разговараа за барањата кои Москва ги постави на Северноатлантската алијанса во врска со украинската криза.

EPA-EFE

Кабинетот на турскиот претседател соопшти дека двајцата претседатели „разговарале за мерките за подобрување на врските“ на двете земји.

Кремљ извести дека претседателите „разговарале и за меѓународните теми“, како обврзувачките договори кои би ѝ ја гарантирале безбедноста на Руската Федерација и решавањето на кризите во Сирија и Либија.

Русија на Путин и Турција на Ердоган одржуваат партнерски врски и покрај различните, па дури и ривалски интереси на различни полиња, како Сирија и Либија, каде двете земји се важни фактори.

Русија и Турција без во сенка и при неодамнешниот оружен судир на Кавказот меѓу Азербејџан, каде се зборува турски, и Нагорно Карабах, кој го поддржува Ерменија, каде Русија има воена база.

Врските на Москва и Анкара се влошија неодамна и поради украинската криза откако Путин му префрли на Ердоган дека на украинската војска ѝ доставил беспилотни летала опремени со оружје, а се користат против проруските бунтовници на истокот на Украина.

Додека Западот со недели ѝ префрла за тоа што Русија преместува војници и воена опрема на својата територија, Анкара минатата недела му префрли на Кремљ дека на НАТО му поставува „еднострани барања“.

Турција, која е членка на воениот пакт од 1952 година, во последните години го навлече врз себе гневот на Вашингтон поради тоа што, иако е членка на НАТО, купи руски противвоздушен одбранбен систем С-400.

Легенда под Главна слика

EPA-EFE

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе

(Насловот е на турски со причина, во превод, „писмо или револвер“.)

повеќе