Претседателот на Гана прв во светот прими вакцина од програмата Ковакс

Претседателот на Гана, Нана Акуфо-Адо, денеска стана првата личност во светот што примила вакцина против ковид-19 од програмата Ковакс, глобална иницијатива за помош на сиромашните земји во снабдувањето со вакцини.

Фото: ЕПА

Ковакс беше заеднички лансиран од Светската здравствена организација (СЗО) и Сојузот за вакцини (ГАВИ), за неразвиените земји и земјите во транзиција да можат да примат вакцини. Тие немаат доволно можности да потпишуваат договори за набавка со производителите на вакцини, па затоа се наоѓаат во многу понеповолна позиција.

Акуфо-Адо, 76-годишниот претседател на споменатата западноафриканска земја, во која минатата среда пристигна првата пратка вакцини од програмата Ковакс, денес ја прими првата доза на вакцината на Астра зенека.

„Многу е важно да дадам пример и да покажам дека оваа вакцина е безбедна, така што секој во Гана без страв да одлучи да се вакцинира“, рече шефот на државата.

Ковакс склучи договори со производители за две милијарди дози во 2021 година и опција за купување на уште милијарда дози, а достапен е и механизам за финансиска помош од таа програма за 92 земји со ниски и средни приходи.

Легенда под Главна слика

Фото: ЕПА

Опседнатоста со лесна и брза заработувачка, завидливоста и љубомората кон побогатите, невидената мрзливост комбинирана со желбата за убав и прилично ситуиран живот, од Македонците создаде зомбизирани суштества кои лутаат низ времето и просторот, без патоказ и без изграден вредносен ориентир по кој ќе се водат низ животот.

повеќе

Иако новогодишните честитки во јануари оваа година, беа најчесто за здравје и со желба за „старото нормално“, првите три месеци од 2021 година не навестуваат крупни промени околу тоа кој ќе биде повторно најизговорениот збор и во периодот кој претстои. 

повеќе

Програмата за вакцинација во Бугарија може исклучиво да се окарактеризира како фијаско. 

повеќе