Неговата малцинска влада не може да ги протурка важните закони

Премиерот на Словенија поднесува оставка, бара вонредни избори

Премиерот на Словенија Марјан Шарец најави дека ќе поднесе оставка на функцијата и побара вонредни избори. Кажа дека неговата малцинска влада не може да ги протурка важните закони.

Шарец, како што преведуваат словенечките медиуми, кажа дека со малцинската коалиција не може да постигне сѐ што планирал да направи и повика на вонредни избори.

„Со ваква коалиција и ваква ситуација во парламентот не можам да ги исполнам очекувањата на граѓаните. Ќе бидам во можност тоа да го направам по изборите“, кажа Шарец на конференција за новинарите.

Претходно словенечкиот министер за финансии Андреј Бартонцељ поднесе оставка, а агенцијата СТА наведе дека причината е несогласување со нацрт-законот за укинување на дополнителното здравствено осигурување.

Минатата недела дојде до раздор во словенечката владејачка коалиција во одлучувањето на кој начин да се прекине дополнителното здравствено осигурување.

Министерот за здравство Алеш Шабедер инсистираше секој финансиски недостаток кој може да настане по прекинот на плаќањето на осигурителните компании да биде покриен со државниот буџет. Бертонцељ истакна дека неговото министерство поддржува само десет милиони евра годишно.

Шарец застана на страна на Шабедер. „Ако систематски не се позанимаваме со овие проблеми, залудно е фрлањето пари“, кажа тој.

Кога политичарите сватија за каква моќна алатка се работи, час поскоро побрзаа да менуваат закони со кои „бомбите" нема да бидат докази.

повеќе

Брегзитот, односно напуштањето на Велика Британија на ЕУ, без сомневање ќе влијае врз градењето на новата политичка архитектура во Европа, со нова поделба на интересни зони на стариот континент.

повеќе

Германската канцеларка Ангела Меркел, меѓу другите, беше гневна; Балканот помодре од бес. ЕУ сега се обидува да го натера Макрон да го тргне ветото пред Европскиот самит во март.

повеќе