Белорусија

„Последниот европски диктатор“ останува на власт, освои 80 % од гласовите

Белоруските државни медиуми ги објавија резултатите од излезните анкети по затворањето на гласачките места на претседателските избори, според кои долгогодишниот претседател Александар Лукашенко освоил скоро 80 проценти од гласовите.

Фото: ЕПА

Според резултатите на излезната анкета објавена од државната новинска агенција БелТА, Лукашенко добил 79,7 проценти од гласовите. Само 6,8 проценти од гласачите гласале за второпласираната кандидатка Светлана Тихановскаја, објави агенцијата.

Изборите не беа набљудувани од претставници на Организацијата за безбедност и соработка во Европа (ОБСЕ) затоа што не беа повикани навреме. Неколку членки на Европската Унија, меѓу кои и Германија, ги критикуваа изборите затоа што двата најголеми ривали на Лукашенко, меѓу кои и сопругот на Тихановскаја, беа притворени пред изборите.

Шеесет и петгодишниот Лукашенко, познат и како „последниот европски диктатор“, речиси сигурно ќе го освои шестиот последователен мандат, но би можел да се соочи со нов бран протести поради огорченоста на јавноста од начинот на кој се решава пандемијата на коронавирус, економската состојба и злоупотребите на човековите права.

Бивш управител на советските колективни фарми, Лукашенко е на власт од 1994 година.

Странските набљудувачи проценуваат дека во Белорусија веќе четврт век немало слободни и фер избори.

Легенда под Главна слика

Фото: ЕПА

Практичната имплементација на владината стратегија „едно општество за сите“, која на хартија има добри намери, е засенета од неуспешната борба против корупцијата и организираниот криминал.

повеќе

Веќе четврта деценија штом општеството се фокусира на македонско-бугарските или македонско-албанските односи, на улиците излегуваат навивачките групи со навредливиот репертоар. Спонтано? Ајде, Ве молам.

повеќе

Нивото на Советот на Центар никако да порасне и да ги покаже демократските капацитети и зрелоста очекувани од граѓаните.

повеќе