Инфицирани над 600.000 луѓе од почетокот на пандемијата

Поради новите соеви на вирусот Израел ги забрани сите комерцијални летови

Израел синоќа го затвори меѓународниот аеродром Бен Гурион за речиси сите летови до крајот на јануари поради стравувањето дека новите соеви на вирусот кои побрзо се шират би можеле да влезат во земјата.

EPA-EFE

Аеродромот ќе биде затворен до 31 јануари, кога би требало да бидат ублажени третите рестрикции низ земјата доколку властите не ги продолжат.

Ова е прв пат од почетокот на пандемијата Израел да спречи граѓаните на таа земја да влегуваат во неа, истакнуваат израелските медиуми.

Не можат да допатуваат ни емигрантите кои продолжија да доаѓаат за време на пандемијата, и покрај ограничувањата за влез на оние кои не се граѓани на Израел.

Врз основа на наредбата на владата на сите комерцијални летови им е забрането да влезат во израелскиот воздушен простор и да слетаат на аеродромот во Тел Авив, а исклучок се товарните и авионите кои ја надлетуваат еврејската држава без слетување.

Од земјата ќе можат да заминат само оние кои одат на лекување, судење, погреби на роднини или да завршат важна работа, но и тогаш само со приватни авиони.

Министерството за здравство може да издаде дозволи за патување врз основа на хуманитарни или „специјални лични причини“ во време кога патниците од странство се идентификувани како главен извор на инфекцијата во земјата.

Британскиот сој на коронавирусот поприлично циркулира во Израел и е откриен кај речиси половина од новите случаи, а освен тоа има 27 случаи на јужноафриканскиот сој, и четири од калифорнискиот.

Тие соеви би можеле да бидат отпорни на вакцините во време кога во Израел 2,6 милиони жители ја примиле првата доза, а 1,1 милион двете. Според бројот на вакцинирани во однос а бројот на жители таа земја е прва во светот, а целта е до крајот на март да го вакцинира целото население постаро од 16 години.

Во Израел повеќе од 600.000 луѓе се инфицирани од почетокот на пандемијата, а 4.478 починале од последици на ковид-19, вклучувајќи и над 1.000 смртни случаи овој месец.

Легенда под Главна слика

EPA-EFE

Ако не се претвориме во систем на вакцинални касти („Тргни ги твоите Астразенека-шепи од мојот Фајзер-дедо“), може да застраниме кон вакцинални пасоши со сомнителна валидност („Врвката на оваа пропусница не е во нијанса одобрена од СЗО!“).

повеќе

Освен неколку изолирани обиди, повеќето луѓе не реагираат кај институциите и не бараат одговорност. 

повеќе

Отворено писмо до претседателот Пендаровски и  академска фела во Македонија.

повеќе