Нуклеарно споделување

Полска преговара да добие нуклеарно оружје, ќе го користи само ако дозволи Вашингтон

Полскиот претседател Анджеј Дуда изјави дека Полска преговара со Соединетите Американски Држави за тоа да ја вклучат во програмата „Нуклеарно споделување“ (Nuclear Sharing) која овозможува некои сојузнички земји да добијат американско нуклеарно оружје, и да можат да го употребат ако Вашингтон тоа им го дозволи.

EPA-EFE

„Проблемот е пред сè тоа што немаме нуклеарно оружје. Ништо не укажува на тоа дека Полска би можела да го има во скоро време. Секогаш постои можноста за учество во програмата „Нуклеарно споделување“. Разговаравме со американските лидери за тоа дали САД размислуваат за таква можност. Темата е отворена“, кажа Дуда во интервју за полскиот неделник Газета полска.

Полскиот претседател кажа дека руските закани со употреба на нуклеарно оружје укажуваат на размислувањето дека „ако Русија не биде голема, светот може да престане да постои“.

„Ако Русија почне нуклеарна војна, одговорните за тоа ќе бидат проколнати во целиот свет“, кажа Дуда.

Во програмата за заеднички нуклеарен одговор се вклучени Белгија, Холандија, Германија, Италија и Турција и тие имаат нуклеарно оружје во нивните бази, но може да се употреби само во рамки на заедничката одбрана на НАТО и со дозвола од САД.

Германскиот весник ФАЗ во мај пишуваше за можноста да се смени стратегиската концепција во НАТО и во нуклеарната програма да се вклучат и некои земји од источното крило на НАТО.

Легенда под Главна слика

EPA-EFE

Сведоци сме деновиве на сензационална приказна за некаков американски тим кој, внимавајте, агресивно ќе ловел корупција во Македонија.

повеќе

Најавите на американската администрација за бескомпромисна  борба против овие корумпирани,  неспособни  и криминални структури на сите нивоа на државата за македонските граѓани се единствено светло во тунелот.

повеќе

Концептот на даночната реформа, кој го претставивме минатата недела на заедничка прес конференција со премиерот е дел од поголем процес за креирање на оптимален даночен систем кој ќе биде праведен и ќе го поддржи економскиот раст.

повеќе