Полицаец во Албанија со глисер убил седумгодишно девојче па се тепал со нејзиниот татко

Арјан Тасе, поранешен полициски началник во албанскиот град Химаре, е осомничен за убиство на седумгодишното девојче Јонада Авдија.

EPA-EFE

Осомничен е дека девојчето го убил со глисер, а кога се вратил на копно се тепал со нејзиниот татко Бледар Авдија. Трагедијата се случила минатата недела на плажата Потам во Албанија.

Тасе тврди дека изгубил контрола над глисерот, но сведоците кажале дека изведувал опасни маневри преблиску до брегот.

Таткото на девојчето за локалните медиуми кажал дека се капел со ќерката во близина на брегот кога го забележал белиот глисер како ита во негов правец.

„Дојде со голема брзина до мене и неа. Јас нурнав, а глисерот удри директно во мојата ќерка“, кажал таткото.

Сведоци на трагичниот настан снимиле како Тасе се тепа со таткото на девојчето додека луѓе од плажата се обидуваат да ги раздвојат.

Наставник кој тој ден бил на плажата Блисим Ахметај на Фејсбук објави дека Бледар по трагедијата му пришол и му кажал: „Требаше да умрам место неа“.

Истражителите велат дека Тасе со глисерот го возел своето семејство од Порто Палермо во Потам, сместен околу пет километри од местото на несреќата. „Пропелерите предизвикале сериозни повреди кои довеле до моментална смрт“, кажа портпаролот на полицијата.

Тасе сега е под истрага за убиство од небрежност, а 15 полицајци кои тој ден требало да го чуваат брегот се отпуштени.

Смртта на девојчето Јонада ги разгневи граѓаните на Албанија и поради тоа низ земјата се одржуваат протести. Во главниот град Тирана вчера десетици демонстранти се судрија со полицијата.

Легенда под Главна слика

EPA-EFE

Нов фронт за работа на градежните фирми на веќе изградените згради (и куќи) треба да биде топлинската изолација.

повеќе

Во Македонија не постои никаква забрана за конверзиона терапија, а лиценцираните психолози што може да се јават како спроведувачи или наведувачи на ваква „терапија“, за жал, не сносат никакви последици.

повеќе

Доколку чувствуваме дека нашиот труд ќе биде награден со успех, ќе ѝ приоѓаме на околината со апетит, доверба и храброст.

повеќе