По четири часа заврши состанокот Русија-НАТО во Брисел (ВИДЕО)

Преговорите за безбедноста на високо ниво меѓу НАТО и Русија за решавање на кризата на источната граница на Украина завршија во седиштето на НАТО во Брисел при ниски очекувања за напредок. Средбата траеше четири часа.

EPA-EFE

Состанокот меѓу претставниците на 30 држави членки на воениот пакт и претставниците на Москва се одржа во Брисел во рамки на Советот НАТО-Русија. Оваа група за првпат се сретна по повеќе од две години. Ова е втора рунда од преговорите оваа недела по почетниот состанок кој се одржа во Женева на 10 јануари.

Генералниот секретар на НАТО Јенс Столтенберг напиша на Твитер дека ова е „правовремена прилика за дијалог во критичен момент за европската безбедност. Кога тензиите се високи, уште поважно е да седнеме на иста маса и да се позанимаваме со нашите загрижености“.

Столтенберг и шефвите на руската делегација, заменик министерот за надворешни работи Александар Грушко и заменик министерот за одбрана Александар Фомин, позираа за медиумите пред почетокот на состанокот.

На состанокот во Брисел, како шефица на американскиот тим, учествуваше и заменичката на државниот секретар Венди Шерман, главниот американски преговарач од Женева. Грушко состанокот кој траеше околу четири часа го опиша како „момент на вистина“ во односите на Русија и НАТО.

Портпаролот на Кремљ Дмитриј Песков повтори дека Русија и понатаму е загрижена поради можноста за ширење на западна воена алијанса.

„Нормално, Русија е загрижена за какво било проширување на НАТО. НАТО не е инструмент на развој, тој е инструмент на конфронтација“, кажа Песков во Москва.

Легенда под Главна слика

EPA-EFE

Постоењето на еден отпорен, одржлив и правичен систем на храна е нешто што мора да биде столб на секоја агенда која има за цел за климатско ублажување или адаптација.

повеќе

Економската криза е лоша во сите сфери на живеењето, но од неа можеме и да научиме по нешто.

повеќе

Во саботата во јавноста го претставивме предлог-ребалансот на Буџетот за 2022 година, откако истиот беше усвоен од страна на Владата.

повеќе