Падна италијанската влада

Премиерот Џузепе Конте поднесе оставка, што е негов тактички потег. Тој ќе се обиде да формира нова влада без Матео Ренци и да формира нова коалиција.

EPA-EFE/FILIPPO ATTILI

Конте минатата недела изгуби апсолутно мнозинство во Сенатот кога помладиот партнер, партијата Италија Вива предводена од поранешниот премиер Матео Ренци, се повлече од коалицијата поради владиното справување со кризата на коронавирусот и економската рецесија.

Обидите да се привлечат центристички и независни сенатори во редовите на коалицијата за пополнување на празнината што ја остави Ренци не вродија  плод, а на Конте не му преостана друго освен да поднесе оставка и да создаде формална кризна влада што ќе му даде повеќе време да пронајде договор.

Се очекува претседателот Серхио Матарела да ја прифати неговата оставка и да одржи брзи консултации со лидерите на партиите за да ја испита политичката клима.

Ако мисли дека Конте би можел да ја добие потребната поддршка за собирање нова администрација, ќе му даде неколку дена да се обиде да го финализира договорот и да формира нов кабинет.

Меѓутоа, ако не успее, Матарела ќе мора да изнесе алтернативен кандидат за кој смета дека е способен да состави одржлива коалиција. Ако сè друго не успее, тој ќе мора да распише избори, две години пред предвидениот рок.

Конте е адвокат кој нема директна политичка припадност, но е близок до најголемата партија во парламентот, Движењето Пет Ѕвезди.

Тој прв пат дојде на власт во 2018 година откако Движењето Пет Ѕвезди формираше неочекувана коалиција со крајно десничарската Лига.

Кога сојузот се распадна една година подоцна, тој остана на позицијата лидер на новата администрација која ги вклучува Движењето Пет Ѕвезди и левичарската партија.

Продлабочувањето на кризата се одвива во позадина на пандемијата на коронавирусот, во која починаа повеќе од 85.000 Италијанци - втор најголем број на жртви во Европа по Велика Британија и шести во светот.

Здравствената криза ја предизвика најтешката рецесија во Италија од Втората светска војна, а владата работи на изготвување план како најдобро да се потрошат околу 200 милијарди евра средства на Европската унија за помош во закрепнувањето на економијата.

Легенда под Главна слика

EPA-EFE/FILIPPO ATTILI

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе

Можеби по нас ќе дојдат некои нови клинци што прегрнати ќе го слушаат мртвиот Џоле и ќе го разберат подобро отколку што го разбравме ние на кои со години жив на глуви уши ни пееше за љубовта.

повеќе

За државата Македонија, Македонците се посебен народ со повеќевековна традиција, кои зборуваат, творат, се радуваат и тагуваат на македонски јазик, веќе со векови, во и надвор од територијата на нашата држава.

повеќе