Осум илјади британски војници пристигнуваат во Европа на воени вежби поради рускиот напад

Околу 8.000 војници на британската војска ќе учествуваат во воени вежби во источна Европа за борба против руската агресија.

Илустрација: ЕПА

Се работи за едно од најголемите распоредувања на британски војници од Студената војна, а војниците ќе бидат распоредени во повеќе земји, од Финска до Македонија, пишува Скај њуз.

Покрај војниците, летово на бројни локации ќе бидат испратени и десетици тенкови и повеќе од 100 оклопни борбени возила.

На британските вооружени сили ќе им се придружат десетици илјади војници на НАТО и сојузниците, вклучувајќи ги Данска, Исланд и Норвешка.

Министерството за одбрана соопшти дека планираните вежби ќе ја подобрат способноста на британските и финските трупи да работат заедно на одвраќање на руската агресија во Скандинавија и балтичките земји.

Министерот за одбрана Бен Валас рече дека овој потег ќе покаже солидарност и сила.

„Безбедноста на Европа никогаш не била поважна. Овие вежби ќе покажат како нашите трупи ги здружуваат силите со сојузниците и партнерите за да покажат солидарност и сила во едно од најголемите заеднички распоредувања на војници од Студената војна“, рече Валас.

 

Легенда под Главна слика

Илустрација: ЕПА

Во текот на оваа и претходната година, инфлацијата ја задуши македонската економија. 

повеќе

Одлучната изборна победа на италијанската десница овозможува нејзиниот лидер да биде првата жена премиер во Италија и прва која тврди дека недвосмислено има постфашистичко потекло.

повеќе

Нов фронт за работа на градежните фирми на веќе изградените згради (и куќи) треба да биде топлинската изолација.

повеќе