Елизабета Втора беше погребена во гробницата Џорџ Шести, именувана по таткото на кралицата, кој почина во 1952 година. Во таа гробница се посмртните останки на нејзините родители и на принцот Филип, сопругот на Елизабета, кој почина во 2021 година.
Во таа гробница се наоѓа и урната на нејзината сестра Маргарет.
Споменикот на кралицата е направен од рачно делкан белгиски црн мермер со вметнати месингани букви, „за да се усогласи со другите споменици во гробницата“, соопшти Бакингемската палата.
Елизабета Втора (96) почина на 8 септември во Шкотска по повеќе од 70 години владеење. Таа беше погребена на 19 септември. Новиот крал е Чарлс III, нејзиниот најстар син.
Buckingham Palace has released a photo giving the first public glimpse of the new ledger stone installed at the final resting place of Queen Elizabeth II. https://t.co/jukXNpacvp
— The Associated Press (@AP) September 24, 2022
