Објавена снимката на македонскиот државјанин кој удирал средоземна фока на плажа во Пула (ВИДЕО)

Тој вчера бил уапсен а потоа и протеран на пет години од Хрватска поради вознемирувањето на заштитеното животно, пренесува Индекс.

Настанот се случил вчера во 15:30 часот во Гортановиот залив во Пула, на плажа на која има едукативно пано за забраната за вознемирување на строгозаштитената средоземна фока. Како што јавуваат хрватските медиуми, од поголемиот број капачи кои ја набљудувале фоката која мирувала, се издвоил 56-годишниот македонски државјанин. Мажот се приближил на просторот кој бил ограден со ленти за забрана за приближување и неколку пати ја допрел средоземната фока по грбот и ја избркал од плажата кон морето.

Полициските службеници веднаш по пријавувањето на инцидентот пристигнале на плажата и утврдиле дека државјанинот на Македонија го прекршил Законот за заштита на природата, по што му била одредена казна од околу 200 евра, која веднаш ја платил. Било утврдено и дека 56-годишникот незаконски престојува на територијата на Хрватска по што бил уапсен и протеран од Република Хрватска на пет години.

Благодарејќи на коронавирусот, граѓаните го видоа вистинското лице на  оваа натприродна организација, наречена државна администрација. Алчна, себична, несолидарна, нечувствителна.

повеќе

Солидарноста е единствениот начин за надминување на оваа криза.

повеќе

Ама бидејќи капиталисти со ситни души ја владеат земјава јас и ти ќе плаќаме, коментираат бизнисмените.

повеќе