Нов вид диносауруси најдени на Островот Уајт

Истражувачите од Универзитетот во Саутемптон веруваат дека четири коски неодамна пронајдени на Островот Уајт му припаѓаат на нов вид диносаурус што би можело да биде поврзан со тираносаурус рекс.

Овој нов тероподски диносаурус веројатно живеел во периодот креда пред 115 милиони години и се проценува дека бил долг до четири метри.

Истражувачите го именувале Vectaerovenator inopinatus, со оглед на големите воздушни џебови во коските што биле пронајдени. Овие коски доаѓаат од вратот и опашот на диносаурусот.

Коските биле пронајдени во три одделни откритија, а пронаоѓачите му ги подариле на музејот „Диносауруски остров“ во Сандаун.

„Радоста од пронаоѓањето на коските што ги откривме беше апсолутно фантастична. Јас сметав дека тие се посебни, па ги зедов кога го посетивме музејот Диносауруски остров. Тие веднаш знаеја дека ова е нешто ретко и прашаа дали може да ги донираме во музејот за да бидат целосно истражени“, рече Робин Вард, еден од оние што го направија откритието и страстен трагач по фосили.

Коските биле изучувани од палеонтолозите од Универзитетот во Саутемптон и било потврдено дека се од претходно непознат диносаурус. Наодите допрва треба да бидат објавени.

„Бевме шокирани од тоа колку било шупливо ова животно - преполно со воздушни џебови. Делови од неговиот скелет мора да биле прилично деликатни“, рече Крис Баркер, студент докторанд на универзитетот, кој ја водел студијата.

„Записите за тероподните диносауруси од средината на периодот креда во Европа не се толку обемни, па затоа беше навистина возбудливо што можеме да го зголемиме нашето познавање за различноста на видовите диносауруси од ова време“.

Практичната имплементација на владината стратегија „едно општество за сите“, која на хартија има добри намери, е засенета од неуспешната борба против корупцијата и организираниот криминал.

повеќе

Веќе четврта деценија штом општеството се фокусира на македонско-бугарските или македонско-албанските односи, на улиците излегуваат навивачките групи со навредливиот репертоар. Спонтано? Ајде, Ве молам.

повеќе

Нивото на Советот на Центар никако да порасне и да ги покаже демократските капацитети и зрелоста очекувани од граѓаните.

повеќе